Disa orë pasi presidenti i Iranit, Ebrahim Raisi u konfirmuan se ka vdekur pas një aksidenti me helikopter, ka reaguar edhe bota perëndimore, shkruan BBC transmeton Arbresh.info.

Franca shprehu ngushëllimet e saj me një deklaratë të shkurtër të ministrisë së jashtme.

“Franca i shpreh ngushëllimet e saj Republikës Islamike të Iranit pas vdekjes së Presidentit Ebrahim Raisi, Ministrit të Jashtëm Hossein Amir Abdollahian dhe atyre që i shoqërojnë”, thuhet në deklaratë.

Shefi i politikës së Jashtme të Bashkimit Evropian, Josep Borrell, shprehu ngushëllimet e tij për vdekjen e Raisi dhe zyrtarëve të tjerë iranianë në një aksident me helikopter, disa orë pas reagimit të Charles Michel.

Drejtori i Agjencisë Ndërkombëtare të Energjisë Atomike, Rafael Grossi, mbajti një minutë heshtje pas lajmit për vdekjen e Raisi, gjatë një fjalimi në një konferencë ndërkombëtare për sigurinë bërthamore në Vjenë.

Presidenti i Polonisë, Andrzej Duda tha se ishte thellësisht i prekur nga lajmi i vdekjes tragjike të Presidentit të Iranit.

Duke kujtuar përplasjen e avionit të vitit 2010 që vrau presidentin polak, Lech Kaczynski, Duda tha: “Ne e dimë ndjenjën e tronditjes dhe të zbrazëtisë që mbetet në zemrat e njerëzve dhe në vend pas humbjes së papritur të elitës politike dhe sociale, prandaj, me mirëkuptim të veçantë, ne bashkohemi me të afërmit e viktimave dhe kombin iranian në lutje dhe pikëllim.”

Zëdhënësi i NATO-s shkroi në X,  dhe i ofroi ngushëllime kombit iranian pas vdekjes së Raisi dhe Amir-Abdollahian, në një postim të shkruar në persisht./Arbresh.info